Tumaini kwa ajili ya Kukataliwa na Ukosefu wa Usalama

Upendo wa Mungu kwako

Mungu alikuumba na amekupenda hata kabla hujazaliwa. Anakukubali na kukuithamini jinsi ulivyo. Anakupenda. Yuko pamoja nawe sasa akikufikia. Anataka kuondoa hofu yako ya kukataliwa na kutojiamini na kuleta uponyaji kwa kila sehemu ya maisha yako.

“Kwa maana Mungu jinsi hiyo aliupenda ulimwengu, hata akamtoa Mwana pekee, ili kila mtu amwaminiye asipotee, bali awe na uzima wa milele.”

— Yohana 3:16

Kinachotuzuia na uhusiano binafsi na Mungu

Dhambi inatutenganisha na kumjua Mungu na kupata uzoefu wa upendo wake. Tunabaki tukiwa tumetengwa na upendo wa Mungu kwa sababu ya ubinafsi wetu mkaidi na kwa kuchagua kuishi maisha yetu kwa njia yetu wenyewe. Uasi huu au kutojali huku ndiko Biblia kunaita "dhambi." Biblia inasema kwamba "wote wamefanya dhambi, na kupungukiwa na utukufu wa Mungu" na kwamba "mshahara wa dhambi ni mauti."

Tazama Warumi 3:23

Mungu alichokifanya

Mungu anakupenda na anataka kutumia maisha duniani na milele mbinguni pamoja nawe. Mungu alimtuma Mwana wake, Yesu Kristo, kufa msalabani mahali pako ili kulipia adhabu ya dhambi zako. Yesu aliziba pengo, lililoundwa na dhambi yako, linalokutenganisha na Mungu. Alikataliwa alipochukua dhambi yako juu yake mwenyewe, lakini alichagua kufanya hivyo kwa sababu ya upendo wake kwako. Kupitia Yesu tu ndipo unaweza kumjua Mungu binafsi na kupata uzoefu wa amani na upendo wa Kristo.

“Bali Mungu aonyesha pendo lake yeye mwenyewe kwetu sisi, kwa kuwa kristo alikufa kwa ajili yetu, tulipokuwa bado wenye dhambi.”

— Warumi 5:8

“Mimi ndimi njia, na kweli, na uzima; mtu haji kwa Baba, ila kwa njia ya mimi.”

— Yohana 14:6

Mungu anachotaka kutoka kwako

Mungu anataka upokee Mwana wake Yesu kama Bwana na Mwokozi wako ili uweze kumjua yeye binafsi, upate uzoefu wa upendo wake, na ufurahie kukubalika naye, kisha uishi milele pamoja naye mbinguni baada ya kufa.

“Bali wote waliompokea, wale waliamini jina lake, aliwapa haki ya kufanyika watoto wa Mungu.”

— Yohana 1:12

Kupitia maombi (kuzungumza tu na Mungu) unaweza kumpokea Yesu Kristo na zawadi ya bure ya Mungu ya uzima wa milele.

“Bwana Yesu, niko tayari kupokea zawadi yako ya wokovu, nikibadilisha hofu yangu ya kuwa peke yangu na uwepo wako ulioahidiwa.Nataka kukujua wewe binafsi.Asante kwa kufa msalabani kwa ajili ya dhambi zangu.Nafungua mlango wa maisha yangu na kukupokea sasa hivi kama Mwokozi na Bwana wangu.Asante kwa kunisamehe dhambi zangu na kunipa zawadi ya ajabu ya uzima wa milele.Chukua udhibiti wa maisha yangu na uongoze njia.Nipe mwelekeo na amani ili niweze kuwa mtu unayetaka niwe.”