Espwa pou Rejè ak Ensekirite

Lanmou Bondye pou ou

Bondye te kreye ou epi Li te renmen ou menm anvan ou te fèt. Li aksepte ou epi Li bay ou valè jan ou ye a. Li renmen ou. Li avèk ou kounye a, Li lonje men ba ou. Li vle efase laperèz ou pou rejè ak ensekirite epi pote gerizon pou chak pati nan lavi ou.

“Paske Bondye sitèlman renmen lemonn, Li te bay sèl Pitit Gason Li an, pou tout moun ki kwè nan Li pa peri, men pou yo gen lavi etènèl.”

— Jan 3:16

Sa ki anpeche nou gen yon relasyon pèsonèl ak Bondye

Peche separe nou ak Bondye, li anpeche nou konnen Li ak fè eksperyans lanmou Li. Nou rete separe ak lanmou Bondye akoz pwòp tèt nou ki fè tèt di epi lè nou chwazi fè lavi nan pwòp fason pa nou. Rebelyon sa a oswa endiferans pasif sa a se sa Bib la rele "peche." Bib la di "tout moun fè peche, yo tout manke laglwa Bondye" epi "peche peye ak lanmò."

Wè Women 3:23

Sa Bondye te fè

Bondye renmen ou epi Li vle pase lavi sou tè a ak letènite nan syèl la avèk ou. Bondye te voye Pitit Gason Li an, Jezi Kris, pou mouri sou kwa a nan plas ou pou peye penalite pou peche ou yo. Jezi te fè pon sou espas ki te kreye pa peche ou la, ki separe ou ak Bondye. Li te rejte lè Li te pran peche ou sou tèt Li, men Li te chwazi fè sa akoz lanmou Li pou ou. Se sèlman atravè Jezi ou kapab konnen Bondye pèsonèlman epi fè eksperyans lapè ak lanmou Kris la.

“Men, Bondye montre kijan Li renmen nou: Pandan nou te toujou pechè, Kris te mouri pou nou.”

— Women 5:8

“Mwen se chemen an, verite a ak lavi a; pèsonn pa ka rive kote Papa a si li pa pase pa mwen.”

— Jan 14:6

Sa Bondye vle nan men ou

Bondye vle pou ou resevwa Pitit Gason Li an, Jezi, kòm Senyè ak Sovè ou pou ou kapab konnen Li pèsonèlman, fè eksperyans lanmou Li, jwi akseptasyon nan men Li, epi viv pou tout tan avèk Li nan syèl la apre ou fin mouri.

“Men, tout moun ki te resevwa Li, moun ki te kwè nan Non Li, Li te ba yo dwa pou yo vin pitit Bondye.”

— Jan 1:12

Atravè lapriyè (senpleman pale ak Bondye) ou kapab resevwa Jezi Kris epi resevwa kado gratis Bondye a ki se lavi etènèl.

“Senyè Jezi, mwen pare pou mwen resevwa kado delivrans Ou an, pou m chanje laperèz mwen pou mwen rete pou kont mwen kont prezans Ou te pwomèt la.Mwen vle konnen Ou pèsonèlman.Mèsi dèske Ou te mouri sou kwa a pou peche mwen yo.Mwen louvri pòt lavi mwen epi mwen resevwa Ou kounye a kòm Sovè ak Senyè mwen.Mèsi dèske Ou padone peche mwen yo epi Ou ban mwen kado ekstraòdinè lavi etènèl la.Pran kontwòl lavi mwen epi mennen chemen an.Ban mwen direksyon ak lapè pou m kapab moun Ou vle m ye a.”